Сынамышларга ышанасызмы?

* Әгәр боз өстенә боз катса, ашлыкка галәмәт.
* Боз кытыршы булып туңса, иген уңар.
* Кар кояш белән кипсә, бодай уңар.
* Кыш көне бәс күп булса, агач җимешләре уңар, бал күп булыр. Әгәр бәс күп булып, агач ботаклары салынса, һәртөрле җимешләр һәм ашлыклар булыр.
* Тау башларында кар күп булса, җиләк күп булыр.
* Томан күп төшсә, җимеш уңар.
* Кыш бәс, томан булса, җәй иген уңа.
* Кыш көне яңгыр яуса, икмәк булыр.
* Кыш сыкы булса, җәй алма була.
* Кыш томан булса, җәй юкәдә бал була.
* Февраль икесендә иртә белән кар - ашлык иртә чәчкәне уңар; кич белән кар яуса - гаҗәп түгел соң чәчкәне уңса.
* Февральдә каен ботагында карлар алка-алка булып асы-лынып торса, ул елда иген уңар.

http://tatartelem.blogspot.com/ сайтыннан алынды. 

Фото: https://pixabay.com/