Җырчы Чулпан Йосыпова гаиләсенә кайгы килгән
Аның якын туганы вафат булган.
Татарстанның атказанган артисты Чулпан Йосыпова гаиләсенә кайгы килгән.
Аның туганы, абыйсы юл-транспорт һәлакәтенә очраган: аны Казанда машина бәрдергән.
«Фольксваген поло» автомобиле башта реклама щиты баганасына бәрелгән, аннары җәяүлене бердергән.
Җәяүле - Чулпаннның өч туган абыйсы. Ул «КАМАЗ» машинасында эшли торган булган. Машинасыннан төшеп кар чистартканда фаҗигага юлыккан.
Табибларның гомерен саклап калырга тырышуына карамастан, ул хастаханәдә вафат булган.
"Көн авыр хәбәрдән башланды. 47 яшьлек абыебыз ике кечкенә баласын калдырып китеп барды", - ди җырчы.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев