Җырчы Зәйнәб Фәрхетдинова чирләгән

Татарстанның халык артисты Зәйнәб Фәрхетдинова тормышында күңелсез хәл булган. Ул билен авырттырган, хәзер хастаханәдә дәваланып йөри.

–    Биш сәгать кондиционерлы бүлмәдә тордым. Кондиционер астында да түгел идем. Сеңдереп кенә салкын тигән. Билгә бәргән. Аллаһка шөкер, тамакка түгел. Дәваланып йөрим. Мин кондиционерның файдасыз нәрсә икәнен беләм. Эссе көннәрдә үзегезне саклагыз, дусларым. Кондиционердан ерак торыгыз. Эсседән саклануның  сәламәтлек өчен зарарсыз ысулларын кулланыгыз. Матур җәй көннәрендә салкын тидереп чирләү бер дә рәхәт түгел, – ди ул.