Чаллыда махсус режим кертелә

Татарстанда 19 декабрьдән Яңа ел каникуллары азагына кадәр янгынга каршы махсус режим кертелә. Сәнәгать объектлары, ягулык-энергетика комплексы чикләреннән ярты километрдан якынрак I-III класслы пиротехника кулланырга ярамаячак. 

Моннан тыш, торак-коммуналь хуҗалыгы, халык күп җыелган урыннар, автомобиль юллары, күпфатирлы йортлар янында да салют аттыру тыела. 30 метр аралык сакланырга тиеш. Бары тик бенгаль утлар яндырырга, хлопушкалар аттырырга гына рөхсәт итәләр. 

Тагы да кызыклырак яңалыклар - "Шәһри Чаллы" газетасының Телеграмм каналында