Лицейда ачык ишекләр көне

Гали Акыш исемендәге 84нче лицей-интернат 11 февральдә 4, 6 һәм 7нче сыйныф укучыларын ачык ишекләр көненә чакыра. Мәгариф учреждениесе инженерлык сыйныфларына укучылар җыя.

«Шәһәребезнең мәктәп укучыларын лицеебыз белән таныштырырга, тест үткәрергә җыенабыз. Бездә медицина юнәлешендәге сыйныфлар уңышлы эшли. Хәзер инженерлык сыйныфларына укучылар туплыйбыз. Чит район, авыллардан килүчеләр интернатта яши ала. Анда быел заманча ремонт ясалачак. Ачык ишекләр көне 12 сәгатьтә башлана. Белешмәләр өчен 88552-58-51-31 телефонына шалтыратыгыз», – ди лицей-интернат директоры Фирдүсә Әюпова.