Уку йортларына кабул итү кагыйдәләре яңартылды

Төп яңалык: абитуриент гаризаны бер үк вакытта бюджетка да, түләүле бүлеккә дә бирә ала. Шул ук вакытта ул әзерлек һәм белгечлекнең өстенлекле юнәлешләрен күрсәтә. Кабул ителү нәкъ менә гаризада күрсәтелгән белгечлекләр буенча булачак.

Икенче яңалык: документлар тапшырырга мөмкин булган юнәлешләр саны кимиячәк: хәзерге ун урынына бишәү калачак.

Тагын бер үзгәреш ГТО билгесенә кагыла. Абитуриентка аның белән бүләкләнү турындагы боерык күчермәсен тәкъдим итәргә кирәк булачак. Яңа кагыйдәләр 2023 елның 1 мартыннан үз көченә керә.