Шəhри Чаллы

Актаныш районында кеше сөякләре табылган

12 август көнне Актаныш районы Качкын авылы янында махсус техника белән җирдә казыну эшләре алып баручылар куркыныч табылдыкка очраган.

Экскаватор чүмеченнән җир өстенә сөякләр килеп төшкән. Яхшылап карый башлагач, бу сөякләрнең кешенеке икәнлеген ачыклаганнар.

Хокук саклау органнарындагы үз чыганакларына таянып «Kznlive» порталы хәбәр итүенчә, кешеләргә туры килә торган барлыгы 90 сөяк фрагменты табылган. Бу якынча 70 ел элек — 1940 нчы еллар урталарында күмелгән кешеләрнең сөякләре булырга тиеш дип фаразлана. Хәзерге вакытта әлеге табылдыкны белгечләр тикшерә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: