Ана капиталын тапшырдылар.
Бүген Тантаналар сараенда ана капиталы сертификатын тапшыру тантанасы узды. Гаиләләрне балалары туу белән Пенсия фонды идарәсе башлыгы, Шәһәр Советы депутаты Эдуард Фәттахов котлады һәм сертификатлар тапшырды. Бу көнне Яр Чаллының 20 гаиләсе сертификатка ия булды
Исегезгә төшерәбез, ана капиталы программасы 2007 елдан бирле гамәлдә. Программаны гамәлгә ашыра башлаганнан бирле Яр Чаллыда ана капиталына 50 меңнән артык сертификат бирелгән, 40 мең гаилә әлеге акчалардан файдаланган. Акча белән биш юнәлеш буенча эш итәргә мөмкин: торак шартларын яхшырту, балалар өчен белем бирү хезмәтләре өчен түләү, ананың булачак пенсиясен формалаштыру, инвалид балалар җәмгыятенә социаль адаптация һәм интеграция өчен товарлар һәм хезмәтләр өчен түләү, икенче бала 2018 елның 1 гыйнварыннан соң туган (уллыкка алынган) гаиләләргә ай саен түләү.
2020 елда ана (гаилә) капиталы суммасы 466 617 сум тәшкил итә, әгәр икенче бала 2007 елдан 2019 елга кадәр туган булса; 466 617 сум, әгәр беренче бала 2020 елның 1 гыйнварыннан туган булса; 616 617 сум, әгәр икенче бала 2020 елның 1 гыйнварыннан туган булса; өченче яки аннан соңгы балалар өчен, әгәр элек гаиләнең ана капиталы хокукы тумаса.
Гаиләләргә ярдәм итү программасы 2026 елга кадәр озайтылды, сертификат алу хокукына ия булган бала 2026 елның 31 декабренә кадәр туган яки уллыкка алынган булырга тиеш. Шул ук вакытта, элеккеге кебек үк, сертификат алу һәм әлеге акча белән эш итү вакыты чикләнмәгән.
Следите за самым важным и интересным в Telegram-каналеТатмедиа
Нет комментариев