Ата-аналар өчен

Татарстанда мәктәпләрдә ата-аналардан акча сорау проблемасына бәйле махсус "кайнар линия" эшли башлады.

Соңгы бер ай эчендә Татарстан Мәгариф һәм фән министрлыгының Мәгариф өлкәсендә күзәтчелек һәм контроль департаментына ришвәтчелек мәсьәләсенә кагылышлы 14 мөрәҗәгать килеп ирешкән. Алар, нигездә, мәктәпләрдә ата-аналардан законсыз рәвештә акча җыю һәм булган акчаларның да башка максатларга тотылуына кагыла. Шуңа күрә, Татарстанда кеше хокукларын яклаучылар мәктәпләрдә ата-аналардан акча сорау проблемасына бәйле махсус "кайнар линия" ача. Ул 9-19 сентябрь көннәрендә эшли. Шикаятьләр (843) 277-03-86 телефоны буенча кабул ителә.