Атна ахырына һава торышы үзгәрә

Атна уртасында Татарстанда җылыта, әмма аннан соң температура төшә башлаячак. Бүген Татарстанның Гидрометеорология үзәге шундый фараз белән уртаклашты.

14 һәм 15 апрельдә циклон аркасында республикага төньяк киңлекләрнең салкын һавасы киләчәк. Нәтиҗәдә, көндез температура 5-10 градустан югары күтәрелмәячәк. Моннан тыш, көчле җил көтелә, ул көчәйгән вакытта тизлеге секундка 15-20 метрга җитәргә мөмкин.

Чаллыда исә җомга һәм шимбә көннәрендә термометр багансы 6-8 градустан югары күтәрелмәячәк. Төннәрен 0 градус булачак.