Россиянең баш дәүләт экспертизасы Татарстан Республикасында Түбән Кама һәм Яр Чаллы шәһәрләрен урап узу участогында М-7 "Идел" Мәскәү - Владимир - Түбән Новгород - Казан - Уфа автомобиль юлы төзелешенең икенче этабының проект - смета документациясен тикшерде. Дәүләт экспертизасын үткәрү нәтиҗәләре буенча уңай бәяләмә бирелде.
Төзелешнең икенче этабы үз эченә 26 км + 800 – 55 км + 300 км участогында төзү - монтаж эшләрен кертә. Эшләр Татарстанның Түбән Кама, Зәй һәм Тукай районнары территориясендә узачак. Участокның озынлыгы 23,745 км тәшкил итә. Исәпләнгән хәрәкәт тизлеге - сәгатенә 120 км.
Финанслауны федераль бюджет акчаларын җәлеп итеп гамәлгә ашыру планлаштырыла. Төзелеш концепциясе "Казан - Екатеринбург" тиз йөрешле маршрутының үсешен, шулай ук Татарстанда Кама кластеры үсешен тоткарлаучы транспорт инфраструктурасының чикләнгән булуын исәпкә алып эшләнелгән.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев