Чаллы Башкарма комитеты җитәкчесе туры эфирда чыгыш ясады

Чаллы Башкарма комитеты җитәкчесе “ТНВ”га ник барган?  
Чаллы шәһәре Башкарма комитеты җитәкчесе Фәрид Сәлахов «Татарстан яңа гасыр» телеканалының  «Трибуна нового века» тапшыруында чыгыш ясады. 
– Анда өлешчә мобилизация, хәрби хезмәткә чакырылучы шәһәрдәшләребезгә, аларның гаиләләренә күрсәтелә торган социаль ярдәм турында сөйләдем, – диде ул. 
Мәгълүм булганча, Чаллыда мобилизацияләнгән ир-егетләргә 20 мең сум акча, кирәк-яраклар тутырылган рюкзак бирелә, ә аларның балалары мәктәптә бушлай туклана, бакчаларга, түгәрәк һәм секцияләргә бушлай йөри. 
Моннан тыш, хәрбиләрнең гаиләләренә торак-коммуналь хезмәтләр өчен кайбер ташламалар да каралган.