Чаллы дәваханәләрендә амбулатор кардиолог кабинетлары ачылачак

Киләсе елның 1 гыйнварыннан Татарстанның һәр дәваханәсендә кардиологик кабинетлар булдырылачак. Бу хакта ТР сәламәтлек саклау министрының беренче урынбасары Альмир Абишев хәбәр итте.

Өлкән яшьтәгеләрнең күпчелеге нәкъ менә йөрәк-кан тамырлары белән бәйле авырулардан үлә. Дәвалау учреждениеләрендә кардиологлар җитмәү дә моңа бер сәбәп булып тора. 

Мәсьәләне хәл итү максатыннан, Казан дәүләт медицина академиясендә табибларның тәҗрибәсен арттыру курсларында белгечләр әзерли башладылар. Яңа ел башыннан аларның 126сы республикабызның 86 дәваханәсенә эшкә җибәреләчәк. Шул рәвешле барлык татарстанлылар да тиешле кардиологик ярдәмгә өмет итә алачак.