Чаллы язучылары – җиңүче

Камал театрында «Яңа татар пьесасы-2022» бәйгесенә нәтиҗә ясалды.

Җиңүчеләр арасында Чаллы язучысы, Аяз Гыйләҗев исемендәге Чаллы татар дәүләт драма театрның әдәби бүлек мөдире Айгөл Әхмәтгалиева да бар. Аның «Пароль – Юк!» пьесасы кызыксындыру премиясенә лаек дип табылды.

Г.Камал театрының баш режиссеры Фәрит Бикчәнтәев аңа акчалата премия тапшырды. «Пьесамны кайсы театр куяр, әлегә белмим, вакыт күрсәтер», – диде язучы газетабыз хәбәрчесенә.

Айгөл Әхмәтгалиева «Мәйдан - батырлар өчен» конкурсында  да җиңеп  -  беренче, ә Лилия Гыйбадуллина икенче урын алды.

Бу бәйге җиңүчеләрен бүләкләү тантанасы 2023 елның 15 февралендә Муса Җәлил исемендәге турнирда  булачак.  

Фото Айгөл Әхмәтгалиевадан алынды

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).