Чаллы инспекторы 5 мең сум ришвәт белән тотылды

Әлеге хәл М-7 трассасында була. Чаллы ЮХИДИ хезмәткәре юлда иномарканы туктата. Документлар тикшергәндә, машина йөртүчесенең таныклыгы булмавы ачыклана. Эшне зурга җибәрмәү максатыннан, әлеге проблеманы урында ук хәл итергә булалар. ЮХИДИ хезмәткәре  каршы булмый – 5 мең сумга ризалаша. Тик ришвәт алу очрагы бик тиз фаш ителә. 

Суд карары буенча, Чаллы инспекторы “Кече ришвәтчелек” маддәсе буенча гаепле дип табылды. Аңа 3 ай дәвамында төзәтү эшләре каралган. Моннан тыш, хезмәт хакыннан 5 проценты дәүләт хисабына алынып барылачак. Эш урынында да аңа ярты елга сынау куелды. 

Лилия Хәбибҗанова