Чаллы хакимияте янында яңа йорт төзиләр

Чаллының хакимият бинасы янында яңа торак объект сафка басачак. Ул сигез катлы булачак һәм 16/03, 16/18 йортлары арасында урнашачак. План буенча анда 20 фатир булыр дип көтелә. Алар бизнес-класс дәрәҗәсендә булачак.

Объектның концепциясен һәм эскизын Казандагы бер иҗат остаханәсе ясаган. Биредә фатир алучылар ике машина кую урынына һәм беренче катта хуҗалык кирәк-яракларын саклау өчен махсус бүлмәгә дә ия булачак.