Чаллыда бер бала люкка егылып төшкән

Социаль челтәрләрдә Чаллыда ГЭС бистәсенең 10нчы комплексында баланың люкка егылып төшкән, дигән мәгълүмат чыкты. Шаһитләр әйтүенчә, люк нечкә фанера белән генә капланган булган.

Пост авторы сүзләренчә, узып баручылар баланың тавышын ишетеп, аңа чыгарга ярдәм иткән.

Әлеге мәгълүмат пәйда булгач, Татарстан прокуратурасы тикшерү башлаган. Кагыйдә бозулар ачыкланган очракта, чаралары күреләчәк, дип хәбәр итте ТР прокурорының өлкән ярдәмчесе Руслан Галиев.

Тагы да кызыклырак яңалыклар - "Шәһри Чаллы" газетасының Телеграмм каналында