Чаллыда яшь җырчылар Лия Шәмсина һәм Артур Mauzerның туйлары үтте

Кичә Чаллыда музыкант Артур Mauzer һәм җырчы Лия Шәмсинаның туе гөрләде. Мәҗлесне Артур һәм Лия «Әйе» дигән яна җырлары белән башладылар.  Туйга 140 кунак чакырылган. Алар арасында Татарстаннан гына түгел, Казахстан, Башкортстан,  шулай ук Мәскәү, Дубай шәһәрләреннән кайткан кунаклар да булган. 

Яшь парларны котларга татар эстрадасы йолдызлары Айдар Галимов, Илназ Сафиуллин, Гүзәлем һәм Салават Миңнеханов, Филүс Каһиров, Айдар Галимов, Гүзәлия һәм башкалар килгән. Туй шәһәрнең бер затлы ресторанында хәләл форматта үткән.

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).