Аны ашыгыч медицина ярдәме хастаханәсендә уздырдылар.
Олег Андреев Чаллы хастаханәсенә авыр хәлдә эләгә. Үпкәсенә сыеклык җыела, сулый алмый башлый. Моңарчы Түбән Кама стационарында дәваланган була - нәтиҗәсез. Табиблар консилиум җыя. Аны Чаллы ашыгыч ярдәм күрсәтү хастаханәсенә озаталар. Кардиологлар эндокардит диагнозын куя. Җитмәсә, йөрәк клапаннарында инфекция дә ачыклана.
Иң зур кан тамыры – йөрәк янындагы аортаны һәм клапанны донор гомографты ярдәмендә алыштырырга кирәк дигән фикергә килә табиблар.
Операция алдыннан алар Санкт-Петербургтан трансплантант кайтарта. Операция 8 сәгать дәвам итә. Пациент 4 көн реанимациядә ятканнан соң кардиология палатасына күчерелә. Хәзер аның хәле уңай дип бәяләнә. Олег Андреев хастаханәдән өенә чыгарылган.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев