Чаллыда танылган журналист вафат

Бүген арабыздан танылган журналист Владимир Жигульский китте. Ул озак еллар «Вести Камаза» газетасында мөхәррир урынбасары, «Республика Татарстан» газетасының Чаллыдагы үз хәбәрчесе булып эшләде. Үзенең берсеннән-берсе кызыклы язмалары белән автогигант, шәһәр төзүчеләрне данлады.
Владимир Михайлович соңгы елларда яман шеш белән көрәште. Шуңа да карамастан, хатыны Ольга белән сәяхәт итәргә, җитди концертларга йөрергә яратты. 
Бүген талантлы каләмдәшебезнең йөрәге тибүдән туктады. Аңа 72 яшь иде.