Хокук сакчыларына беренче зыян күрүчеләр мөрәҗәгать итә.
Велосипед караклары хәзер полиция хезмәткәрләре игътибары үзәгендә. Сезон башлану белән мошенниклар активлашты. 6нчы комплекста берьюлы 2 велосипед урлау очрагы теркәлде. Ике тәгәрмәчле транспортларын шәһәрдәш подъездында саклаган була. Трост белән бәйләп тә куя, югыйсә. Әмма мошенник урлау юлын таба. Салынган зыян күләме - 28 мең сум.
Каракның эзенә тиз чыгалар. Ул зыян күрүче ханымның күршесе булып чыга. Велосипедларны базарда 7 мең сумга сатып, акчаны туздырырга өлгерә. Шуңа да карамастан, хокук сакчылары велосипедларны эзләп табып, хуҗасына кайтара. Әлеге факт буенча җинаять эше кузгатылды. 33 яшьлек ир-атка хәзер 5 елга кадәр төрмә яный. Ул моңарчы да наркотиклар аркасында хөкем ителгән булган.
Моннан тыш, хокук сакчылары тагын 3 велосипедны хуҗаларына кайтаруга иреште. Велосипед бәяләре 6 мең сумнан 19 мең сумга кадәр.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев