Чаллы суды абыйсына пычак белән кадаган һәм канын үзе туктаткан шәфкать туташының эшен туктатты

Суд матбугат хезмәтендә хәбәр итүләренчә, хатын-кызның абыйсы белән низаг килеп чыга. Ниндидер мизгелдә хатын-кыз кулына пычак ала һәм туганының муенына кимендә 4 тапкыр кадый, ә бу вакытта абыйсы исерек килеш диванда яткан була.

Җинаятьче хатын-кыз шунда ук полиция һәм медицина хезмәткәрләрен чакырта. Һөҗүмче 23 елдан артык шәфкать туташы булып эшләгәнлектән, ул абыйсының кан китүен туктата ала.

Хатын-кыз үз гаебен тулысынча таный һәм абыйсын үтерергә җыенмаганын аңлата. Моннан тыш, туганнар татулашкан.

Суд ике якның да татулашуына бәйле рәвештә эшне ябарга карар кабул итә.
 

Фото: https://pixabay.com/ru/

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).