Чаллы татар театры һаман яңа бинага күчеп бетмәгән

Театрга язучы, драмматург Аяз Гыйлаҗев исеме бирелү чаллылыларны сөендерде. Әмма халыкның янә сәхнәдә һаман тамаша күрә алганы юк әле. Сәбәбе - театрның сәхнәсе әзер булмау һәм иске бинадан күчеп бетә алмауда. Театр артистлары үзләре үк: "Яңа елга күчеп бетә алсак, яхшы булыр иде", -  диләр. Әлегә театрда сезон ачылу датасы да билгеле түгел. Халыкның яңа бинада яңа тамашалар күрәсе килә. Тагын коронавирус аркасында карантин башланып, тамашалар куярга рөхсәт булмау факторын да исәпкә алсак, чаллылылар быел биредә ай-һай спектакльләр карый алырлар микән?!