Чаллы “Татарстан”ы - җиңүче

Чиләбедә "Урал биюләре” халык биюләре XIV Бөтенроссия фестивале булды. Анда илебезнең төрле төбәкләреннән 45 коллектив, барлыгы 1000нән артык кеше катнашты. Әлеге фестивальдә Чаллы данын мәдәният көллиятенең “Татарстан” бию ансамбле яклады. Россиянең халык артисты, Игорь Моисеев  исемендәге дәүләт бию академия ансамбле сәнгать җитәкчесе Елена Щербакова җитәкчелегендәге мәртәбәле жюри шәһәребез коллективының чыгышын югары бәяләде. “Татарстан” ансамбле “Профи” категориясендә “Сәхнә халык биюе” номинациясендә беренче дәрәҗәдәге лауреат дипломы белән бүләкләнде.