Чаллыда активистлар үзәк төзүгә каршы чыкты

39/15 йорты белән янәшә күргәзмә үзәге төзелешенә йортта яшәүчеләр каршы чыкты.   Инициатив төркем Шәһәр башкарма комитеты җитәкчесе Фәрид Сәләхов белән очрашты. 39/15 йорты буенча җаваплы Елена Федорова әйтүенчә, Фәрид Сәләхов участок хуҗасыннан төзелеш эшләрен туктатып торуын сорады. Тик бу участок эшмәкәрнең шәхси милеге, ул аңа акча керткән. Фатир хуҗалары чигенергә җыенмый. Башкарма комитет җитәкчесе төзүче хисабына экспертлар ялларга киңәш итте. Ләкин активистлар биредә бәйсез белгечләр кирәк дип исәпли.

фото: riaderbent.ru