Чаллыда чәчәкләр фестивале: искиткеч матур композицияләр сурәтләнгән иде (+фоторепортаж)
Чаллыда чәчәкләр фестивалендә катнашучыларны һәм кунакларны Шүрәле һәм Су Анасы каршы алып торды.
Чаллыда «Акварель-2021» традицион чәчәкләр фестивале узды. Чәчәк композицияләре Хәсән Туфан проспекты буенда - Чулман проспекты белән юл чатыннан Мәйданга барганда урнаштырылган иде. Алар әкиятләргә багышланган - биредә Шүрәле дә, Су анасы да, Мәче галим дә, Колобок та бар иде.
Композицияләрне шәһәрнең идарәче компанияләре, шулай ук мәгариф һәм мәдәният оешмалары тәкъдим итте. Мәсәлән, чәчәк бәйләме итеп сурәтләнгән панноны 44 нче мәктәп укытучылары ясаган. Мәкерле тематика да үзенең чагылышын тапкан - бер картинада коронавирус тематикасы да яктыртылган иде.
Шәһәр мэры Наил Мәһдиев җитәкчелегендәге районнар башлыклары бөтен чәчәклек янында булдылар, үз бәяләрен бирделәр, бик теләп фотоларга төштеләр.
Следите за самым важным и интересным в Telegram-каналеТатмедиа
Нет комментариев