Чаллыда Республика көне: JONY мәйданда дистәләгән мең яшь шәһәрдәшләребезне җыйды

17 сәгатьтә шәһәр халкына театральләштерелгән тамаша күрсәттеләр, аннары мэр традиция буенча дәүләт бүләкләрен табибларга, төзүчеләргә, мәдәният эшлеклеләренә һәм башкаларга тапшырды. 
19 сәгатьтә сәхнәгә Татарстанның һәм Башкортстанның халык артисты Айдар Галимов чыкты. Җырчы инде күптән Чаллы җирендә булмаганын әйтте. Галимовка җиңел генә туры килмәде – аның төп тамашачысы JONYны күрү өчен мәйданга җыелган яшьләр булды.
– Яшьләр бик күп. Мине карарга килгәндер, мөгаен. Мине дә хәзер белерсез, – дип шаяртты Айдар Галимов.

Халык артистының популяр җырларын яшь чаллылылар эләктереп алып, кушылып җырлады. 
Кичә көтеп алынган хедлайнер, Россиянең танылган җырчысы JONY чыгышы белән дәвам итте, ул җыелучыларның йөрәкләрен яндырды. Артист барлык популяр җырларны җырлады, үзенең тәэсирләре белән күп уртаклашты һәм хәтта үзенең җанатарлары янына да чыкты. 
– Шәһәрдә суык булды, әмма сездән шундый җылылык бөркелә, әйтеп бетереп булмый, – диде җырчы. – Чын, кызыксынучан, эчкерсез, кайнар күзле булуыгыз өчен рәхмәт. Мин быел сезнең һәрберегезнең иң зур хыялларыгызга таба бер адымга бераз якынрак булуыгызны телим, – диде артист. Һәм хәтта Jony үзе социаль челтәрдә мәйданда кичә кич 100 меңгә якын кеше җыелган, дип язу калдырган иде. 

JONY үзенең чыгышын "Комета" хиты белән тәмамлады. Ә соңыннан шәһәр кешеләрен DJ Илья Лавров "СТВ-МЕДИА" холдингыннан "Авторадио" дискотекасы белән көтте. Алга таба – салют булды. Әйтергә кирәк, бәйрәм планлаштырганнан бер сәгатькә соңрак тәмамланды.

Фото: https://chelny-biz.ru/