Шәһри Чаллы

Яр Чаллы шәһәре

18+
2024 - Гаилә елы
Яңалыклар тасмасы

«Дневник татарина» блогы авторы Рәмис Гыйльметдинов Чаллы китапханәсенә очрашуга чакыра

Шәһәр үзәк китапханәсе "Китапханәдә төн – 2022" акциясе кысаларында кызыклы очрашулар үткәрә.

28 май көнне 18:00дән 22:00 сәгатькә кадәр Чаллының Муса Җәлили исемендәге үзәк китапханәсендә  "Китапханәдә төн – 2022" социаль-мәдәни акциясе үтәчәк. Биредә Андрей Ухандеев белән комикслар лабораториясенә сәяхәт кылырга, утлы кылычлар белән идарә итәргә, бию баттлында катнашырга, өстәл теннисы уеннарында көч сынашырга мөмкин булачак.

Шулай ук урында Түбән Камадан килгән рәссам Айзирәк Мустафинаның иҗат эшләреннән торган күргәзмә дә эшләячәк. Теләге булганнарга уен коралларында уйнарга өйрәнү, «Капоэйра» хәрби көрәш алымнарын үзләштерү  һәм пластилиннан эшләнмәләр ясау буенча мастер-класслар да оештыру күздә тотыла.

Әдәбиятне үз итүчеләр өчен бу төндә  «Моңлы чишмәләрдән су эчеп” дип исемләнгән чара да тәкъдим ителәчәк. Аның барышында “Ләйсән” әдәби берләшмәсе әгъзалары белән танышырга мөмкин булачак. 

«Китапханәдә төн – 2022»  чарасын блогерлар да читләтеп үтмәс, дип өметләнә чараны оештыручылар. Биредә бу төнне танылган татар блогеры, «Дневник татарина» блогы авторы Рәмис Гыйльметдинов белән очрашу оештырылачак. 
Белешмәләр өчен телефон: 70-12-52. Адресы: Ямашев бульвары, 4/ 14А йорты, Шәһәр үзәк китапханәсе.

фото: Рәмис Гыйльметдиновның Вконтакте битеннән алынды

чараның афишасы:

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: блогер интернет

2
X