ДНРда бер урам татар исемен йөртә

Торез шәһәрендә Миргазиян Крымов исемен йөрткән урам бар. Әлеге татар егете Бөек Ватан сугышы елларында бик күп хәрби операцияләрдә катнашып, Җиңүгә зур өлеш кертә. Ул полковник була һәм Кутузов орденлы дивизияне җитәкли. Аның дивизиясе 1943 елның 2 сентябрендә Чистякова (хәзер Торез) шәһәрен азат итә. 

«Бөек Ватан сугышы елларында бик күп батырлыклар күрсәткән Миргазиян бабабыз белән горурланып яшибез. Ул Ленин, ике Кызыл Байрак ордены, Богдан Хмельницкий орденнары белән бүләкләнгән. Донецк халык республикасындагы Торез шәһәрендә аның исемендәге урам да бар», – диде геройның оныгы, Чаллы башкарма комитетының аппарат җитәкчесе Гөлнар Әхмәтова. 

Тагы да кызыклырак яңалыклар - "Шәһри Чаллы" газетасының Телеграмм каналында