Эдуард Вафин: ПФР түләүләрен рәсмиләштерүдә еш хата булып, банкта ялгыш счет күрсәтү санала

Яңа түләүләрне рәсмиләштерү үзенчәлекләре турында «Татар-информ»га ТР буенча ПФР идарәсе башлыгы Эдуард Вафин сөйләде.

Йөкле хатын-кызларга ничек пособие алырга
 

- Эдуард Яфасович, яңа түләүләр кертелү сәбәпле, республика халкында бик күп сораулар туды. Әйдәгез, башта булачак әниләр өчен пособие турында сөйләшик. Барлык йөкле хатын-кызлар да айлык түләүләр ала аламы?
- Пособиене йөклелекнең беренче 12 атнасында исәпкә баскан хатын-кызлар ала ала, әгәр аларның гаиләсендәге кереме төбәктә җан башына яшәү минимумыннан артмаса. Йөкле хатын-кызның 10-14, 18-22 һәм 30-32 нче атналарда үз статусын расларга тиешлеге мөһим момент булып тора.
- Түләүләр нинди чорга билгеләнә?
— Әгәр булачак әни хатын-кызлар консультациясендә исәпкә куелганнан соң 30 көн эчендә айлык пособие сорап мөрәҗәгать итсә, ул шул ук айдан түләнә. Әгәр хатын учетка куелганнан соң 30 көн узгач һәм бала табуга кадәр мөрәҗәгать итсә, пособие мөрәҗәгать иткән айдан билгеләнә. Әгәр бала табу айның  беренче числоларына планлаштырылган булса,  айлык пособие тулы ай өчен түләнә.
- Эшләмәүче хатын-кызлар түләүләргә дәгъва итә аламы?
- Әйе, пособие сорап мөрәҗәгать иткән вакытта эшләми торган хатын-кыз да, «Нульле керем кагыйдәсе» үтәлгән очракта, аны ала ала. Ягъни гаиләнең керемнәре бәяләнә торган чорда, өлкән яшьтәге гаилә әгъзаларының хезмәт хакы яки аның булмауның объектив сәбәпләре булган.

Ялгыз ата-аналарга пособие ничек алырга

- Ялгыз гына балалар тәрбияләүче ата-аналар өчен айлык пособие турында сөйләгез әле. Ул кемгә тиеш?
- Гаиләдә керем яшәү минимумыннан кимрәк булса, 8 яшьтән 16 яшькә кадәрге балалары булган ялгыз ата-аналарга айлык пособие бирелә. Түләү бердәнбер ата-ана яки ике ата-ана каравыннан мәхрүм калган очракта, аларның үлеменә бәйле рәвештә, бердәнбер ата-ана яисә законлы вәкилгә билгеләнә. Баланы икенче ата-анага карата алимент түләү турында суд карары булган очракта, ата-аналар һәм баланың законлы вәкилләре түли ала. Түләү билгеләгәндә ихтыяҗны комплекслы бәяләү кулланыла.
- Гаиләдә берничә бала булса, ай саен түләү һәр балага тиешме?
- Әйе, балага карата алиментлар билгеләү турында суд карары гамәлдә булса яисә мөрәҗәгать итүче балага карата бердәнбер ата-ана булса, пособие шушы яшь төркемендә һәр балага түләнә.
- Икенче ата-ана алимент түлиме?
- Алиментлар түләү яки түләмәү пособиене билгеләүдән баш тарту өчен сәбәп түгел. Алиментларны билгеләү турында суд карары факты үзе мөһим.
- Ата-аналар яңа түләүләрне күпме вакыт алачак? Алар индексацияләнәчәкме?
- Пособие баланың сигез яшеннән һәм 17 яшькә кадәр түләнә. Пособие бер елга билгеләнә һәм гариза буенча озайтыла. Айлык түләү күләме, бала өчен төбәк яшәү минимумы үсеше нигезендә, ел саен 1 гыйнвардан артачак.
— Ике ата-ана тәрбиясеннән мәхрүм калган балаларга түләү кагыламы?
- Әйе, түләү ятим балаларга кагыла. Бу очракта айлык пособие хокукына аларның опекуны яки попечителе ия, ләкин бала тулы дәүләт тәэминатында булмаса гына. Пособиене билгеләү өчен опекуннарга яшәү урыны буенча РПФ клиент хезмәтенә шәхсән гариза бирергә кирәк.
- Әгәр гаиләдә 8 яшьтән 17 яшькәчә ике бала булса, һәр балага гариза язарга кирәкме?
- Әгәр гаиләдә 8 яшьтән 17 яшькәчә ике һәм аннан күбрәк бала булса, айлык түләү алу өчен аларның һәркайсына бер гомуми гариза тутырыла.

Ничек һәм кая гариза бирергә

— Түләүләр артыннан кая мөрәҗәгать итәргә?
— Татарстан халкы дистанцион формада дәүләт хезмәтләре Порталы аша гариза бирә яки Пенсия фондының клиент хезмәтләренә мөрәҗәгать итә ала.
- Гариза тутырганда хата җибәрелгән очракта нишләргә?
- Алдагы тәҗрибә буенча шуны әйтә алам, иң киң таралган хаталарның берсе - гариза бирүченең банктагы дөрес булмаган счетны күрсәтүе. Кайберәүләр  ябык счетлар яки өченче затларга бәйләнгән счетлар буенча мәгълүматлар тапшыралар. Әгәр сез хата ясасагыз, гаризаны эшләп бетерергә мөмкин. Хата җибәрелгән очракта, Пенсия фонды, гаризадан баш тартмыйча, аны эшләп бетерер өчен кире кайтарачак. Үзгәрешләрне биш эш көне эчендә кертергә кирәк.
- Түләү билгеләнгәнме, юкмы, ансын каян белергә?
- Гариза биргәндә дәүләт хезмәтләре порталында аның статусы турында хәбәрнамә барлыкка киләчәк. Әгәр гариза РПФның клиентлар хезмәтенә тапшырылган булса, уңай хәл ителгән очракта, акча закон белән билгеләнгән срокта өстәмә хәбәрнамәдән башка күчереләчәк. Әгәр түләү билгеләү өчен нигезләр юк икән, мондый карар кабул ителгән көннән бер эш көне эчендә мөрәҗәгать итүчегә хәбәр җибәреләчәк.