Яңа ел кичендә сәгать ничәдә таксига заказ бирү отышлырак?

Яңа ел бәйрәмнәре алдыннан күпләр бүләк сатып алырга яки якыннарына һәм дусларына кунакка барырга тырыша. Танылган бер такси хезмәте башкала басмасы өчен таксига заказ бирү кайсы вакытта отышлырак икәнлеген сөйләгән.

Яңа ел алдыннан сервиста тарифлар үзгәрми, әмма бәяләр күп факторлар: районда буш машиналар һәм такси заказ бирергә теләгән кешеләр нисбәте, юл  арасы һәм озынлыгы, бөкеләр аркасында үзгәрергә мөмкин, дип яза http://shahrikazan.ru

31 декабрьдә таксига 20.00 сәгатькә кадәр яки 22.00 сәгатьтән соң заказ бирү отышлырак. Әмма ашыгырга кирәк, чөнки төн уртасына якынрак машина йөртүчеләр сменаларын төгәлләп гаиләләре янына ашыга, димәк линиядәге машиналар саны азрак булачак һәм бәяләр дә артачак.