Яңа ел төнендә һава торышы нинди булачак?

Синоптиклар Татарстанда декабрьнең соңгы ике атнасына һәм Яңа ел төненә һава торышын фаразлады. Әлегә республика территориясендә җылы циклон хакимлек итә, ул арктик антициклоннан соң килде. Алдагы көннәрдә дә җирлегебездә җылы булачак, ял көннәрендә урыны белән җепшек кар явуы да көтелә.

Гисметео сайты мәгълүматлары буенча, киләсе атна башыннан температура минус тамгасына күчәчәк. Шулай да артык суытмаячак. Ай ахырына кадәр көндезләрен -2... -3..., төннәрен – 6... -9 градус салкын булачак. Яңа ел төнендә шундый ук һава торышы көтелә.