Хөрмә ашап харап була язган...

Кытайның Фуцзянь провинциясендә биш яшьлек бала көчле эч авыртуы белән дәваханәгә эләккән.

"Global Times" басмасы язуынча, малай бер-бер артлы дүрт хөрмә ашаган. УЗИ ясаганнан соң, табиблар авыруның сәбәбен ачыклый: баланың ашказанында җиде сантиметр озынлыкта һәм өч сантиметр киңлектә төер барлыкка килгән. Аның авырлыгы 250 грамм тәшкил иткән.

Табиблар сүзләренә караганда, бу төер агач кебек каты булган. Бу хәл хөрмәдә булган кислоталарның ашказандагы аксым һәм күзәнәкләр белән реакциягә керүе сәбәпле барлыкка килгән.

Табиблар, тугыз сәгать дәвамында операция ясап, малайның гомерен саклап калган. Кечкенә балаларның ашказаны хөрмәне эшкәртеп бетерә алмый, шуңа да бик сак булырга кирәк, дип киңәш итә белгечләр.

Фото:n-e-n.ru