Махсус комиссия 18нче мәктәптәге ашханәдән канәгать калдымы?
Социаль челтәрләрдә әти-әниләр мәктәп ашханәләрендә начар ашаталар дип гел зарланалар. Шуңа күрә шәһәр администрациясе мәктәп ашханәләренә тикшерү белән чыга.
Чираттагысы 18нче мәктәптә булды. Бирегә шәһәрнең белем бирү идарәсе башлыгы Рөстәм Хуҗин килде.
– Комиссия килгәндә 3-4нче сыйныф укучылары икенче тапкыр ашыйлар иде. Балаларга меню буенча балык ашы, ипи, компот һәм печенье каралган иде. Аш кайнар, икмәк йомшак – кунаклар бездәге көндезге аш белән бик канәгать калдылар, – ди мәктәп директоры Наил Гайнуллин.
Иртәнге ашка әлеге укучыларга салат, ботка белән сосиска ашатканнар.
Тикшерүчеләр ашамаган азык калдыкларын да караган. Бу мәктәптә ул 3 процент тәшкил иткән.
– Бу бик яхшы сан. Бер атна элек безне санэпидстанция дә тикшереп киткән иде, аларның да безгә карата кисәтүләре булмады. Кичәге тикшерүчеләр дә рәхмәт әйтеп киттеләр, – диде Наил Заһидуллович.
18нче мәктәптә барлыгы 951 бала укый, шуларның 830 мәктәп ашханәсендә түләп ашый, 71 бала күпбалалы гаиләдән һәм 9 инвалид бала бушка туклана.
Следите за самым важным и интересным в Telegram-каналеТатмедиа
Нет комментариев