Мәләкәс елгасының төбен чистарту эшләре ел ахырына кадәр дәвам итәчәк

Чаллыда июнь аенда Мәләкәс елгасының төбен чистарта башлаганнар иде. Әлеге эшләрнең беренче этабы ел ахырына кадәр тәмамланырга тиеш. “4 ай эчендә елга төбеннән 42 геотуб ләм суыртылган. Тагын унберен тутырасы бар”, - ди эшчеләр. Бүгенге көндә алар “Тәүбә” мәчетеннән алып 10/70 йорты аралыгындагы елга төбен чистарта. Елганы чистарту максатыннан алып барылучы бу эшләргә барлыгы 1354 млн сум акча сарыф ителә. 2 нче этап чистарту эшләре киләсе елга планлаштырылган.

фото: pinterest.fr