«Мәгариф» милли проекты буенча Татарстанның 26 мәктәбе компьютерлы булды

Әлеге проект кысаларында Казанның 98нче санлы мәктәп базасында «Кванториум» технопаркын булдыру өчен 21 миллион сум акча бүленеп бирелде. 

Шулай ук милли проект акчаларына республикада 114 «Үсеш ноктасы» үзәге булдырылды. Биология, химия, физика кабинетлары яңартылды. Бу эшләргә 175 миллион сум акча тотылды. 

Кукмара аграр көллияте һәм Әтнә авыл хуҗалыгы техникумы 20,1 миллион сумлык грантлар отып, остаханәләр ясадылар. Моннан тыш, милли проект кысаларында сигез ирекле проект һәм унбер муниципаль үзәк хупланды. «Мәгариф» милли проектына барлыгы 2,6 млрд сум акча юнәлдерелгән