Мобилизацияләнгән Чаллы егете әтисен соңгы юлга озатты

Өлешчә мобилизация кысаларында махсус хәрби операциягә киткән Олег Дутин Чаллыга кайтып китте. Аны әтисен соңгы юлга озатырга җибәргәннәр.

Олег Владимировичның әтисе Лесоцех территориясендә боз астына китеп, туңып үлгән. 

Олег Дутин Сергей Титов исемендәге катыргы-кәгазь халык предприятиесендә автобус йөртүче булып эшләде. Ул хезмәттәшләре белән очрашып, истәлеккә фотога да төшкән.
«Олег Владимирович бик тырыш кеше. Әтисен соңгы юлга озатырга кайтты. Батыр егет тагын илебезне сакларга китә. Без аның тиз арада исән-сау әйләнеп кайтуын телибез», – диләр хезмәттәшләре.