Мошенникларга акчасын биреп бурычка баткан

Чаллыда яшәүче 33 яшьлек хатын-кыз мошенникларга 1 млн сумга якын акчасын күчергән.
Ул биржада криптовалюта инвестицияләп үзенең матди хәлен яхшыртмакчы була. Сайтта белдерү табып, гариза калдыра.  «Брокер» белән сөйләшү барышында 3 ай буена өлешләп 1 млн сумга якын акча күчерә. 
Акчаны банктан кредитка ала.
Шушы көннәрдә «брокер»га шалтыратып эшнең барышы белән кызыксынмакчы була, әмма аңа җавап бирмиләр. 
Хатын-кыз полициягә барып гариза яза. Мошенниклык буенча җинаять эше кузгатыла.

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).