Өч ай эчендә Чаллы Җәмиг мәчете төзелешенә тагын 18,2 млн сум акча җыелган

2021 елның икенче кварталында Чаллыда Җәмигъ мәчете төзелешенә 18 млн 277 мең сум акча җыелган. Бу хакта дини объект төзүгә финанс ярдәме фондында хәбәр иттеләр.
7,5 млн сум күләмендәге иң зур кертемне «Хәят Кимья» ҖЧҖ башкарган. «Кама» көнчыгыш-сәнәгать комплексы башлыгы Азат Габдуллин зур өлеш керткән, ул мәчеткә миллион сум акча биргән.
Җыелган акчаларның 11,9 млн сумы подряд, проект оешмаларына түләүгә, төзелеш материаллары сатып алуга һәм техникага хезмәт күрсәтүгә киткән. 
 

Фото: Яндекс.Дзен