Владимир Путин яңа указны имзалады.
5 октябрьдә Россия Президенты Владимир Путин мобилизациядән кичектерү турында указны имзалады. Хәрби операциядән азат ителүче гражданнар исемлеге киңәйтелде.
Хәзер өлешчә мобилизация шәхси югары уку йортлары студентларына, аспирантларына, табиб-ординаторларга һәм рухи учреждениеләрдә белем алучы шәкертләргә дә кагылмый.
Беренче тапкыр уртача һәм югары белем алучы, көндезге һәм кичке бүлектә укучы студентлар да хәрби операциядән азат ителәчәк. Шунысы бар: уку йортларының дәүләт аккредитациясе булырга тиеш. Моннан тыш, аспирантурада фәнни һәм фәнни-педагогик юнәлештә укучыларга да кичектереп тору каралган. Рухи белем бирү учреждениеләрендә белем алучылар, ягъни шәкертләр да мобилизациядән кичектерелә.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев