Озын гомерле булыр өчен нишләргә кирәк?

Әлбәттә, озак яшәргә теләүчеләр сәламәт тормыш алып барырга, дөрес тукланырга, стрессларга каршы тора белергә тиеш. Ләкин бу гына аз икән. Озын гомерле булыр өчен... белемле булырга да кирәк икән!
Укыгыз, дуслар, күбрәк укыгыз, озаграк яшәрсез. Тикшеренүләр үткәргәннән соң, Британия галимнәре шундый фикергә килгән.
600 йөз мең кешене тикшергәннән соң, колледжда яки университетта укуның бер елы гомерне якынча 11 айга озайтуын ачыклаганнар. Ни өчен? Югары белемле кешеләр үз-үзләренә игътибарлырак була, туклану мәдәниятен дә онытмый. Һәм, әлбәттә, яман гадәтләргә дә азрак бирелә. Бирелгән хәлдә, бу күренеш белән көрәшә, диләр...
Ни дисәң дә, белем алу – шәп нәрсә инде.

Чыганак:Кызыл Таң