Шəhри Чаллы

Парижга Cабантуйга!

Европаның үзәге Парижда быел 25 майда милли бәйрәмебез Сабантуе булачак. Ул Эфель манарасы янындагы Марс кыры дип аталган мәйданда үтә. Бәйрәмгә республикабыздан 250 кеше барачак, болар- артистлар һәм Сабантуенда хезмәт күрсәтүче хезмәткәрләр. Әлбәттә Парижга сәнгать әһелләренең иң-иңнәре генә барачак. Шулай ук, Татарстан Республикасының җыр һәм бию Дәүләт ансамбле,"Бию шарм", "Кама...

Европаның үзәге Парижда быел 25 майда милли бәйрәмебез Сабантуе булачак. Ул Эфель манарасы янындагы Марс кыры дип аталган мәйданда үтә. Бәйрәмгә республикабыздан 250 кеше барачак, болар- артистлар һәм Сабантуенда хезмәт күрсәтүче хезмәткәрләр.

Әлбәттә Парижга сәнгать әһелләренең иң-иңнәре генә барачак. Шулай ук, Татарстан Республикасының җыр һәм бию Дәүләт ансамбле,"Бию шарм", "Кама таңнары", Казан" ансамбльләре һәм "Яңа музыка" оркестры бара. Яр Чаллыдан яшь биюче Миләүшә Разова да Париж Сабантуенда чыгыш ясаячак.

Франция башкаласында Сабантуен үткәрү идеясын Казанга рәсми визит белән килгән Париж хакиме Анн Идальго хуплаган. Милли бәйрәмебез Казан белән Париж шәһәрләре арасында узган ел декабрь аенда туризм, мәдәният һәм спорт өлкәсендәге килешү нигезендә үтә.

Париж Сабантуена бөтен Европа илләрендә яшәүче татарлар һәм башкортлар гына түгел, башка халыклар да килергә телиләр икән.

Татарстан сәнгать осталары Франциягә ике авиарейс белән очалар.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: