«Питрау» бәйрәмендә 52 җырчы чыгыш ясаячак

15 июльдә Мамадыш районы Җөри авылында Республикакүләм «Питрау» бәйрәме узачак.

Эстрада артистларыннан Салават Фәтхетдинов, Венера Ганиева, Резедә Шәрәфиева, Миңгол Галиев, Раяз Фасыйхов, Ришат Фазлыйәхмәтовның килүе көтелә. Керәшен артистларының бөтенесе дә чакырылган. Шулай итеп, барлыгы 52 җырчы чыгыш ясаячак. 

Шулай ук «Бәрмәнчек» керәшен дәүләт фольклор ансамбле, Татарстанның 20 районыннан һәм шәһәреннән, Удмуртия, Башкортстан республикаларыннан, Самара өлкәсеннән һәм Красноярск краеннан 50дән артык фольклор коллективлары да чакырулы. 

Кунаклар саны 50 меңнән артык булыр дип көтелә.