Роспотребнадзор: «Чаллы пляжларында коенырга ярамый»

ТР Роспотребнадзор идарәсенең Чаллы бүлеге шәһәр пляжларында «коенырга ярамый» дигән аншлаглар урнаштырырга киңәш итә. Алар су сыйфатын микробиологик, санитар-химик, паразитологик һәм вирусологик күрсәткечләр буенча тикшергәннәр. Пляжларның берсе дә микробиологик күрсәткечләргә туры килми. 

Шулай ук Казан, Әлмәт, Бөгелмә, Мөслим, Минзәлә, Тәтеш районнарындагы пляжлар да коенуга яраксыз дип табылган. Паразитологик һәм вирусологик күрсәткечләр буенча гигиена нормативларына туры килмәгән су пробалары теркәлмәгән.