Россиядә IT-белгечләр өчен 5 процентлы ташламалы ипотека гамәлгә ашырыла башлый
IT-өлкәгә ярдәм итү өчен Россиядә 5 процентлы яңа ташламалы ипотека программасы гамәлгә ашырыла башлый, дип белдерде РФ Премьер-министры Михаил Мишустин. Бу хакта РФ Хөкүмәтенең матбугат хезмәте хәбәр итә.
«Төп бурыч – тармак хезмәткәрләре өчен уңайлы шартлар тудыру. Бу торак мәсьәләсен хәл итүгә дә кагыла. Без IT-белгечләр өчен ташламалы ипотека программасын гамәлгә ашыра башлыйбыз», - диде Хөкүмәт Рәисе һәм мәгълүмати технологияләр өлкәсендә аккредитацияләнгән компанияләрнең хезмәткәрләре 5 процент ставка белән фатир сатып алу өчен кредит рәсмиләштерә алуын әйтте.
Мишустин халкы миллионнан арткан төбәкләрдә займның иң зур күләме – 18 миллион, башка төбәкләрдә 9 миллион сум тәшкил итәчәгенә игътибар юнәлтте.
«2024 ел ахырына кадәр гомуми күләме 240 миллиард сум тирәсе тәшкил иткән 50 меңгә якын кредит бирелер дип өметләнәбез», - диде ул.
2022 елда Россия IT-тармагына ярдәм йөзеннән 21,5 миллиард сум акча юнәлдереләчәге хакында элегрәк хәбәр иткән иде. Хөкүмәт тарафыннан мәгълүмати технологияләр өлкәсенә ярдәм күрсәтү чаралары РФ Президенты Владимир Путин йөкләмәсе белән әзерләнә.
Следите за самым важным и интересным в Telegram-каналеТатмедиа
Нет комментариев