Туфан Имаметдинов бу постка Казан ТЮЗыннан күчә.
Якын көннәрдә Кәрим Тинчурин исемендәге Татар драма һәм комедия театры коллективына яңа баш режисер - Туфан Имаметдинов тәкъдим ителәчәк.
36 яшьлек Туфан Имаметдинов тумышы белән Яр Чаллыдан. Ул Гали Акыш исемендәге татар лицеен тәмамлаган. Мәскәүдә мәдәният институтында укыган, ә аннары, өченче курстан, ГИТИСта - режиссерлык факультетында белем алган. Милләтләр театрында режиссер булып та эшләгән.
Туфанның Чаллы татар драма театры труппасы белән эшләү тәҗрибәсе дә бар - ул Жеральд Сиблейрасның «Җил тирәкләрдә шаулый» спектаклен куйган булган.
Туфан Имаметдиновның соңгы эш урыны - Казан ТЮЗы, ул анда баш режиссер булып хезмәт иткән.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев