Шугалакка килегез!

Бүген Чаллының “Азатлык” мәйданындагы шугалакны ачалар. Бу уңайдан биредә бәйрәм чарасы да үтәчәк.  “Чаллы парклары” иҗади командасы җитәкчесе Дмитрий Колесников белдерүенчә, урында шулай ук тимераякларда йөрү буенча мастер-класслар һәм төрле бәйгеләр дә уздыру күздә тотыла. 

17 декабрьдә инде әлеге мәйдандагы төп чыршының да утларын кабызачаклар. Бу көнне биредә “Шаяннар - Карлы бәйрәмдә” дип исемләнгән аниматарлар тамашасы да үтәчәк.