Татарстан милли проектлар буенча төзелеш һәм ремонт эшләренә 11,5 млрд сум акча алды
2021 елда Татарстанның Төзелеш министрлыгы алты милли проектның 12 федераль программасын гамәлгә ашыруда катнаша: «Демография», «Торак һәм шәһәр мохите», «Экология», «Мәгариф», «Сәламәтлек саклау» һәм «Мәдәният». Республика объектларын төзүгә, ремонтлауга һәм төзекләндерүгә ведомствога 11,5 млрд сум бүлеп бирелгән. Бу хакта “Татар-информ” мәгълүмат агентлыгында узган матбугат конференциясендә ТР төзелеш, архитектура һәм торак-коммуналь хуҗалык министрының беренче урынбасары Алексей Фролов сөйләде.
«Быел 95 объект һәм 3,8 мең кв. метр авария хәлендәге торак капиталь ремонтлана, төзелә һәм төзекләндерелә. Милли проектлар кысаларында бу максатларга 11,5 млрд сум бүлеп бирелде ", - диде Фролов.
Министр урынбасары билгеләп үткәнчә, 2021 елда «Торак һәм шәһәр мохите» милли проекты буенча эшләр 65 объектта 3,3 млрд сумлык алып барыла. Әлеге проект кысаларында эре төзүчеләр тарафыннан торак төзелешен активлаштыруга юнәлдерелгән «Стимул» программасы да гамәлгә ашырыла. Аның буенча «Арт-Сити» торак комплексында, өч Казан балалар бакчасында, «Җәй» торак комплексы өчен ике тышкы инженер челтәрендә һәм «Якты үзән» ТК чистарту корылмаларында эшләр финансланачак.
Милли проектлар Россиядә 2019 елдан РФ Президенты Владимир Путин указы буенча гамәлгә ашырыла.
Следите за самым важным и интересным в Telegram-каналеТатмедиа
Нет комментариев