Татарстанда 300дән артык закон бозган пассажир автобусы йөртүче ачыкланган
Рейдлар айга дүрт тапкыр үткәрелә.
Татарстанда 2020 ел башыннан бирле 300 дән артык закон бозган пассажир автобусы йөртүче ачыкланган. Бу хакта «Татар-информ» мага ТР буенча дәүләт автомобиль күзәтчелегенең автотранспорт, автоюл күзәтчелеге һәм халыкара автомобиль ташуларын контрольдә тоту буенча үзәк бүлеге башлыгы Гыйльфан Батталов хәбәр итте.
"Ачыкланган төп бозулар-пассажирларны санкцияләнмәгән рәвештә ташу, машина йөртүчеләрнең хезмәт һәм ял режимын, заказ буенча пассажирлар һәм багаж ташу кагыйдәләрен, автобус куллану тәртибен үтәмәү», - дип сөйләде агентлык әңгәмәдәше.
Батталов сүзләренә караганда, Урта Идел дәүләт автомобиль юллары күзәтчелеге идарәсе республика Эчке эшләр министрлыгы һәм транспорт һәм юл хуҗалыгы министрлыгы белән агымдагы елга уртак рейд чараларын үткәрү графигы эшләнгән һәм килешенгән.
"Автобусларда пассажирлар йөртүне оештыруда һәм гамәлгә ашыруда закон бозуларны ачыклау һәм булдырмау буенча эш дәвам итә. Бергәләп Татарстан территориясе буенча пассажирлар йөртүче транспорт чаралары тикшерелә», - дип билгеләп үтте ул.
Рейдлар айга дүрт тапкыр үткәрелә.
Татар-информ
Следите за самым важным и интересным в Telegram-каналеТатмедиа
Нет комментариев