Татарстанда кайбер азык-төлек продуктларына бәяләр арткан

Татарстанда соңгы атнада кайбер  азык-төлек продуктларына бәяләр арткан. «Татарстанстат» мәгълүматларына караганда, 26 сентябрьдән 3 октябрьгә кадәр аралыкта республикада суган, бәрәңге, кәбестә һәм кишернең хакы күтәрелгән.

Бәрәңгегә бәя, 3,75 процентка артып, килосы 24,38 сумга җиткән. Кәбестәнең бәясе 2,18 процентка арткан. Хәзер аның килосы – 16,81 сум. Кишернең бер килосы – 25,33 сумга, суганныкы 26,21 сумга кадәр күтәрелгән. Ә чөгендер бәясе, 2,44 процентка кимеп, 24,97 сумны тәшкил итә, дип хәбәр итә https://vatantat.ru.